Áttu at havt umhvørvisstýring

Uppskotið legði hon fram á borgarafundi í Perluni ígjárkvøldi, har umboð fyri Umhvørvisdeildina løgdu fram hugskot og tóku ímóti uppskotum frá fundarfólkum.

Fleiri ítøkilig hugskot komu á telduna hjá Umhvørvisdeildini hjá Tórshavnar kommunu ígjárkvøldi, tá deldin skipaði fyri einum borgarafundi um ein nýggjan náttúru- og umhvørvispolitikk í høvuðsstaðnum. Harafturat vístu fólk á trupulleikar sum eru í kommununi. Serliga við atliti á kloakkum, oljulukti, spillvatni og teimum dálkaðu víkunum, Hoyvík og Sandagerðsvík. Eisini varð funnist at, at býráðið sjálvt helt ikki tey mál ella politikkir, sum tey hava samtykt á náttúruøkinum.

Hugskotini snúðu seg um at skilja meira, móttøku fyri brúkligum byggitilfari, ansa eftir lendinum, lendisætlan, byggja minni og einfaldari osfr.
Janet Fríða Johannesen bar uppá mál, at kommunan fekk sær eina umhvørvisstýring. Janet Fríða Johannesen sigur, at við einari skipari umhvørvisstýring fyri kommununa, hava allir stjórar, deildarleiðarar og stovnsleiðarar ábyrgdina av, at tilgongdirnar á deildini ella stovninum taka hædd fyri umhvørvinum. Harafturat vilja tey hava ábyrgdina av, at deildin ella stovnurin, tey varða av, verður meira og meira umhvørvisvinarligur, og at umhvørvispolitikkurin verður fylgdur.