Færri søkja á miðnámsskúlar

834 fólk hava søkt um at sleppa á miðnám næsta skúlaár.

Tað upplýsir Undirvísingarstýrið.

Tað eru 24 færri enn í fjør og 124 færri enn í 2021.

Heilt síðani 2015 er umsøkjaratalið minkað.

Skúladepilin í Hovi, Heilsuskúlin, Heilsuskúli Føroya

Heilsuskúlin.

Heilsuskúlin undantak

Hinvegin hevur serliga ein skúli fingið nógv fleiri umsóknir í ár. Tað er Heilsuskúlan í Suðuroynni.

Hann hevur fingið 45 umsóknir, men fekk bara tíggju í fjør.

54 prosent teirra, sum hava søkt miðnám, eru gentur.

Men 71 prosent, sum vilja taka eina yrkisútbúgving, eru dreingir.

Seinastu árini hava alsamt færri søkt um pláss á fyrireikingarbreytina, hon sum fyrr kallaðist HF.