Á Breddanum: At doyggja fyri egnari hond

Saknur, sorg, skomm og skuldarkenslur vóru settar á pall í Norðurlandahúsinum í februar, tá "Whiteout: ein dansisýning um sorg" vitjaði í Føroyum.

Endamálið við sýningini er at seta orð á sjálvmorð, sum vit skulu tora at tosa um, sigur koreografurin, Sarah Aviaja Hammeken, sum hevur fingið íblástur úr sínum egna lívi. 

sarah-aviaja-hammeken.jpg

Sarah Aviaja Hammeken.

Í dag spyrja vit, hvussu føroyska heilsuverkið megnar at lofta teimum, ið stríðast. Vit spyrja eisini, hví tað kann tykjast so trupult at tosa um tey, ið doyggja fyri egnari hond. Og so fara vit við til sýningina, Whiteout, sum viðger kenslurnar hjá teimum, ið eftir sita. 

Breddin í útvarpinum klokkan 10 og á kvf. fo