Fýra menn avrættaðir í USA hesa vikuna

Fýra avrættingar hava verið í USA hesa vikuna.

63 ára gamli Edward James varð í gjárkvøldið avrættaður í Florida við eiturinnspræning. Hann var dømdur fyri at hava neyðtikið eina átta ára gamla gentu, og tikið hana og 58 ára gomlu ommu gentuna av døgum. Hetta var í 1993.

Í Oklahoma var 56 ára gamli Wendell Grissom í gjárkvøldið avrættur við eiturinnspræning, eftir at vera funnin sekur í at hava tikið eina 23 ára gamla kvinnu av døgum í 2005.

Týsdagin var 46 ára gamli Jessie Hoffmann avrættaður við nitrogengassi í statinum Louisiana. Hann var dømdur fyri neyðtøku og fyri at hava beint fyri eini 28 ára gamlari kvinnu í 1996. 

Hetta er fyrsta avrætting í Louisiana í 15 ár.

Og mikudagin var 53 ára gamli Aaron Gunches avrættur við eiturinnspræning í Arizona. Hann var dømdur fyri at hava tikið fyrrverandi mannin hjá unnustu síni av døgum í 2002.

Higartil í ár hava 10 avrættingar verið í USA. Í fjør vóru 25 avrættingar. 

Deyðarevsing er bannað í 23 av teimum 50 statunum í USA.