Skipaferðslan í Svartahavinum verður tryggjað

Russland og Ukraina eru samd um at tryggja skipaferðsluna í Svartahavinum.

USA hevur gjørt avtalu við Russland og Ukraina um skipaferðsluna, og hon ber í sær, at skip, sum sigla í Svartahavinum, ikki verða álopin.

Tað vátta Hvítu húsini sambært Reuters og BBC.

Korn, kornflutningur

Avtalan skal m.a. tryggja kornflutningin við skipum í Svartahavinum. 

Ukrainski verjumálaráðharrin sigur, at avtalan er ein "vápnahvíld á sjonum," sum hann málber seg.

Hvítu húsini siga, at partarnir eru eisini samdir um forboð fyri at leypa á orkuútbúnað í Ukraina og Russlandi. 

USA hevur seinastu dagarnar havt samráðingar við russar og ukrainar hvør sær, í eini roynd at fáa vápahvíld í lag.

Samráðingarnar eru í Saudiarabia.