Heilsurøktarar hava eisini gjørt sáttmála

Heilsurøktarar hava eisini gjørt sáttmála, sum er galdandi í eitt ár, frá 1. oktober í fjør.

Lønarhækkingin er 4,75 prosent hetta árið.

Heilsurøktarafelagið, Fíggjarmálaráðið og Kommunala arbeiðsgevarafelagið hava gjørt sáttmála.

Lønartalvugongdin er broytt soleiðis, at heilsurøktarar ganga styttri skalagongd, ella lønartalvugongd. 

Eisini semju um neyðtilbúgving

Heilsurøktarar, sum eru á serøkinum fáa dagført arbeiðstíðaráseting, sum ger, at teir vera samsýntir eins og onnur á økinum.

Partarnir hava gjørt semju um neyðtilbúgving í sambandi við arbeiðssteðg.

Heilsurøktarafelagið er fjórða fakfelagið, sum hevur gjørt slíka semju.

Hini feløgini eru Starvsfelagið, Kost- og føðslufelagið og Ljósmøðrafelagið.