Amerikanski varaforsetin á veg til Grønlands

Amerikanski varaforsetin, J.D. Vance, er í hesi løtu á veg til Grønlands.

Við í fylginum er - umframt varaforsetan og konu hansara Usha Vance - eisini Mike Waltz, sum er serligi trygdarráðgevin hjá amerikansku stjórnini.

Eisini amerikanski orkumálaráðharrin, Chris Wright, er við á ferðini til Grønlands. Enn er eingin almenn fráboðan komin úr Hvítu Húsunum í Washington um, hvat orkumálaráðharrin skal gera í Grønlandi.

Fimti lyklapersónurin í amerikanska fylginum er Mike Lee. Hann er valdur senatorur í statinum Utah, og er ein dyggur stuðul hjá Donald Trump í málinum um at yvirtaka Grønland.

Flogfarið fór úr USA fyrrapartin, og hevur kós móti Pituffik Space Base - fyrrverandi Thule-støðini - har tað eftir ætlan lendir stutt eftir klokkan hálvgum fýra seinnapartin, okkara tíð.

Á herstøðini verða tey kunnað um trygdina í Arktis, og skulu eisini hitta amerikanskar hermenn, sum eru har.