Smyril Line hevur selt Akranes

Smyril Line boðar í dag frá, at reiðaríið hevur selt farmaskipið Akranes til norska reiðaríið Fred Olsen Express.

Akranes, sum varð bygt á Umoe Sterkoder skipasmiðjuni í Kristiansund í 1998, verður latið nýggja eigaranum í Las Palmas á Gran Canaria í juni ella juli 2025.

Sølan er ein týðandi liður í endurnýggjanini av farmaskipaflotanum hjá Smyril Line, sum arbeiðir miðvíst við at dagføra flotan og framtíðartryggja virksemið.

Í tíðarskeiðnum frá tí, at Akranes fer úr flotanum til ein nýbygningur er klárur at taka yvir, rekur annað skip leiðina hjá Akranes. Hvat skip tað verður, stendur einki um í tíðinaskrivinum, men tá Glyvursnes fekk skaða í januar, leigaði Smyril Line farmaskipið MV Lista, sum var bygt í 2011, at avloysa á rutuni millum Rotterdam, Tórshavn og Þorlákshöfn.