Ísland róði og sjarmeraði seg í Eurovision-finaluna

Íslendsku Matthíasson-beiggjarnir í bólkinum VÆB, Hálfdán Helgi (21) og Matthías Davíð (20), vóru ikki spáddir líkinda møguleikar at syngja seg í Eurovision-finaluna við teirra fríska og sjarmerandi sangi "Róa", ið merkir at rógva. 

Men VÆB tók øll á bóli og sang seg í finaluna við einari sera sannførandi og sjarmerandi framførslu, ið fekk bæði áhoyrararnir í St. Jakobshalle í Basel, men eisini fólk heima í stovunum upp at dansa - í øllum førum við føtrunum. 

Nútímans sjómansvísan, har íslendsku kúllarnir nevna Føroyar, fór reint inn.

Með árar úr stáli
Sem duga í ár
Stefni á Færeyjar
Já, eg er klár

Hetta merkir:

Við árum úr stáli,
sum halda í eitt ár,
við kós móti Føroyum,
ja, eg eri klárur

Svøríki er stórfavorittur

Yvirhøvur var fyrra hálvfinalan eitt gott kvøld fyri Norðurlond. Umframt Ísland, so komu Svøríki og Noregi eisini í finaluna. 

Svøríki er enn einaferð millum stórfavorittur at vinna Eurovision-sangkappingina við fangandi sanginum hjá KAJ um "Bara bada bastu", ið er ein kvøða til finsku baðstovuna. 

Eisini Estland liggur eisini væl í svinginum við Tommy Cash og hansara sangi "Espresso Macchiato", ið hinvegin er ein kvøða til serliga kaffislagið. 

Tey 10 londini, ið komu í finaluna, vóru:

• Noreg | Kyle Alessandro – "Lighter" 
• Albania | Shkodra Elektronike – "Zjerm"
• Svøríki | KAJ – "Bara Bada Bastu" 
• Ísland | VÆB – "RÓA"
• Niðurlond | Claude – "C’est La Vie"
• Pólland| Justyna Steczkowska – "GAJA"
• San Marino | Gabry Ponte – "Tutta L’Italia" 
• Estland | Tommy Cash – "Espresso Macchiato"
• Portugal | NAPA – "Deslocado"
• Ukraina | Ziferblat – "Bird of Pray"

Londini, ið ruku út

• Slovenia | Klemen – "How Much Time Do We Have Left"
• Belgia | Red Sebastian – "Strobe Lights"
• Aserbadjan | Mamagama - "Run With U"
• Kroatia | Marko Bošnjak – "Poison Cake"
• Kyprus | Theo Evan – "Shh"

Tey stóru fimm, ið eru sjálvskrivaði í finaluni

• Bretland
• Spania
• Týskland
• Frakland
• Italia
   
• Sveis (vertsland)

Fyrra hálvfinalan í Eurovision-sangkappingini kann endursíggjast á YouTube.