Royking verður bannað í Maldivunum

Maldivurnar, ið er ein oyggjabólkur í útsynning úr Sri Lanka og India, ætlar at banna íbúgvum, sum eru føddir eftir januar 2007 at keypa sigarettir.

Nýggja lóggávan skal koma í gildi 1. november í ár, stendur í fráboðan frá forsetaskrivstovuni hjá Mohamed Muizzus.

Revsingin fyri at bróta lógina er enn ikki kunngjørd.

Í november í fjør fór aldursmarkið fyri at keypa tubbak úr 18 upp í 21 ár. 

Eisini bann fyri e-sigarettum

Samstundis setti landið bann fyri at flyta inn e-sigarettir og vaping, og forboðið er eisini galdandi fyri ferðafólk.

Líknandi lógaruppskot er eisini til viðgerðar í Bretlandi. 

New Zealandi var fyrsta landið at samtykkja eina generatiónslóg móti royking, men lógin varð tó strikað aftur í november 2023, minni enn eitt ár eftir at hon var sett í gildi.

Orsøkin var óttin fyri, at sigarettir fóru at verða seldar á svartabørsi í staðin.