- Suðuroyartunnilin kann ikki bíða

Tað eru Valkyrjurnar í Suðuroy, sum hava tikið stig til fundin, sum byrjaði klokkan 19.00 í kvøld  og hevur fingið heitið "Hví skulu okur hava Suðuroyartunnil?" Áðrenn fundin fingu vit orð á Rannvá Schrøter, sum er ein av stigtakarunum.

Tey, sum løgdu fram eru:

- Hanus Toftheyggj, stjóri á Suðuroyar Sjúkrahúsi
- Jens Sigurð Simonsen, vinnurekandi
- Mourits Joensen, búskaparfrøðingur
- Magnus Pauli West, Visit Suðuroy
- Sunrid Olsen, sosialráðgevi
- Eyðun Nolsøe, tónleikari
- Miriam Norðberg, leiðari á Ítróttarháskúlanum í Suðuroy

Tað var greitt eftir framløgurnar, at tey øll vóru samd um, at tað er umráðandi fyri Suðuroynna og fólkið, har býr, at Suðuroyartunnilin kemur. Jens Sigurð Simonsen, sum er vinnurekandi, vísti millum annað á, at skal ein á fund í Havn, tekur tað fleiri tímar, um ikki allan dagin. Ferðing, sum hjá føroyingum flestum, tekur ein tíma ella tveir.