Hitamet sett í Íslandi

Farnu vikuna hevur hitabylgja verið í Íslandi, og tíggju dagar á rað, frá 13. til 22. mai, fór hitin upp um 20 stig onkra staðni í Íslandi.

Tað skrivar íslendska kringvarpið RÚV.

Mesti hitin varð máldur á flogvøllinum á Egilsstøðum. Har vísti hitamátarin 26,6 stig, sum er tað heitasta, ið er skrásett í Íslandi í mai mánaði.

Íslendska veðurstovan sigur, at hitabylgjan í Íslandi hevur samband við, at heit luft var yvir Føroyum í so nógvar dagar, at hon eisini náddi at koma til Íslands, og eisini hevði heita luft við sær sunnaneftir.