Góðar níggju milliónir til gransking

Níggju verkætlanir fingið stuðul til gransking, sigur Granskingarráðið.

Tær hava fingið 9,2 mió. kr.

Metnógvar umsóknir komu hesa ferð.

Tær vóru 50, 11 fleiri enn enn í fjør, og søkt var um 54,3 mió. kr.  

Fimm ph.d. verkætlanir eru millum tær níggju verkætlanirnar, sum fáa stuðul.

67 prosent av verkætlanarleiðarunum eru kvinnur.

PISA-gransking

Størsta stuðulin, 1,7 mió. kr. fær Ingi Heinesen Højsted til Ph.d. verkætlan um at verkseta PISA gransking.

Verkætlanin eitur "ein design granskingartilgongd til at menna støddfrøðiligt lesføri hjá næmingum í hádeild fólkaskúlans."

Tríggjar verkætlanir og tvær kanningar um arbeiðsmarknaðin hava eisini fingið stuðul.

Fíggingin til arbeiðsmarknaðargransking stavar frá fænum í Frítíðargrunninum. 

Verkætlanir fingu tríggjar milliónir, sum vóru tøkar, og kanningar fingu slakar 600.000 krónur.

Hesi fáa stuðul

Stuðul er latin til hesar verkætlanir:

Margreta Nónklett: "Samanhald gevur styrki - Uppruni, gongd og ávirkan hjá føroysku Kvinnufylkingini frá 1975 til fyrst í 1980’unum"
Verkætlan á Tjóðsavninum - kr. 330.000

Ingi Heinesen Højsted: "At verkseta PISA gransking: Ein design granskingartilgongd til at menna støddfrøðiligt lesføri hjá næmingum í hádeild fólkaskúlans"
Ph.d. verkætlan á Námsvísindadeildinii á Fróðskaparsetrinum - kr. 1.700.000

Tróndur Møller Sandoy og Erika A. Hayfield: "Føroysk ungdómsfráflyting, útbúgving, afturflyting og samfelag: Ein fleirháttarlig tilgongd"
Verkætlan á Søgu- og samfelagsdeildini á Fróðskaparsetrinum - 950.000 kr.

Terji Nielsen: "Gagnnýtsla av vitlíki í orkustýringarskipanini fyri at økja um virknið og minka um útlátið av koldioksidi á leiðini til 100% burðardygga elskipan"
Ph.d. verkætlan á SEV - 650.000 kr.

Karin Habermehl-Cwirzen: "Endurnýtsla av útgrivnum gróti sum nýhugsandi tilfar" 
Ph.d. verkætlan á Náttúruvisindedeildini á Fróðskaparsetrinum - 1.600.000 kr.

Maria Marjunardóttir Dahl: "Kortlegging av Føroysku PMCV smittusøguni"
Ph.d. verkætlan á Heilsufrøðiligu Starvsstovuni - 1.250.000 kr.

Katrin Hoydal: "Broytingar í vistskipanum á føroyskum firðum seinastu øldina"
Verkætlan á Umhvørvisstovuni - 1.000.000 kr.

Durita Viderø Gunnarsson: "Øking av kropsligum virkni hjá innløgdum sjúklingum við talgildari interventión til sjúklingar og starvsfólk"
Ph.d. verkætlan á Heilsugranskingareindini - 1.100.000 kr.

Ulrike Steuerwald: "Genetisku orsøkirnar til idiopatiska hyperketosu í Føroyum"
Verkætlan á Heilsugranskingareindini - 600.000 kr.