Vælkomin á Mentanarnátt í Kringvarpi Føroya! 

Opið frá kl. 15:00-18:00

Í forhøllini verður framsýning við hugtakandi myndum, sum eitt av fremstu myndafólkum okkara, Bjarni Árting Rubeksen, hevur tikið.  

Eisini ber til at fara á túr við Tórði í kringvarpshúsinum – ein forkunnugur møguleiki at fáa innlit í, hvussu vit arbeiða aftan fyri sjónvarpsskíggjan og útvarpstólið. 

Børn og barnsligar sálir sleppa at royna seg framman fyri einum “green screen” og síggja, hvussu vit nýta hetta stuttliga amboðið til at gera barnasendingar.   

Eisini kunnu børnini vitja eitt “søtt” verkstað saman við vinnarunum frá KAKUMiKS, har tey sleppa at pynta muffur. Og sjálvandi ber eisini til at fáa autograf frá Bakistjørnunum. 

Jensina fer at framføra og undirhalda við kendum barnasangum, millum annað sangir úr Klintrimús og hini dýrini í Vallbakkaskóginum. 

Vit gleða okkum at bjóða tykkum vælkomnum í Kringvarpið hendan dagin.  

 
Skrá:

skra_fyri_mentanarnattina_2025.png