Skeiv vegleiðing um dømdar útlendingar

Vegleiðingin hjá danska útlendingastýrinum um tíðaravmarkað uppihaldsloyvi í Føroyum ella í Grønlandi hevur ikki verið, sum hon eigur at vera sambært kunngerðini frá 2001 um hesi uppihaldsloyvi. 

Hetta eru reglurnar í donsku útlendingalógin um karensdagar hjá útlendingum, sum eru dømdir fyri brotsverk.

Hesir dagar skulu forða teimum í eina tíð at fáa fyribils uppihaldsloyvi í Føroyum ella í Grønlandi.

Tað sigur Kaare Dybvad Bek, ráðharri, í brævi til útlendinga- og integratiónsnevndina og føroyanevndina hjá fólkatinginum.

Reglan um karensdagar og reina levnaðarváttan er tó ongantíð brúkt í Føroyum og Grønlandi árini 2011 til 2024.

Hon hevur tí ikki havt negativa ávirkan fyri útlendingar í Føroyum og Grønlandi.

Skeiva vegleiðingin hevur ikki gjørt nakran mun. 

Skal rættast

Ráðharrin hevur biðið Útlendingastýrið rætta mistakið.

Hann sigur, at hann hevur eisini kunnað útlendingamyndugleikarnar í Føroyum og Grønlandi um støðuna.

Kaare Dybvad Bek sigur, at reglurnar um karensdagar og levnaðarváttan eiga at vera galdnandi í Føroyum og Grønlandi. 

Útlendinga- og Integratiónsmálaráðið fer undir tað arbeiðið nú.