- Tíðindi, mentan og ítróttur
Lýggjur og vátur mai í høvuðsstaðnum
Lýggjur og vátur mai í høvuðsstaðnum
Mesti hitin í mai í ár var 16,5 og tann minsti minus 0,2 stig
Tað regnaði 113 millimetrar í Havn í mai.
Mynd: Bjarni Árting Rubeksen
10.06.2025 - 08:05
Mai var nógv lýggjari í Havn enn miðal fyri mai tey seinastu 30 árini.
Eisini var mai vátari enn vanligt, skrivar Veðurstovan.
Miðalhitin var 8,5 stig.
Miðalhitin í mai í Havn tey seinastu 30 árini var 7,0 stig.
Mesti hitin í mai í ár var 16,5 og tann minsti minus 0,2 stig.
113 millimetrar
Regnið var 113,0 millimetrar í Havn í mai.
Eins og hitin er tað talið størri enn miðal.
Miðaltalið seinastu 30 árini er 68,4 millimetrar.
Vátasti mai síðan 1873 var í 1888. Tá komu 166,4 millimetrar av regni.
Turrasti mai síðan 1873 var í 1969. Tá var regnið bara 44 millimetrar, skrivar Veðurstovan.
Er kopiera
Nýggjastu sendingar í ÚV
