Framvegis bíligari at bunkra olju í Føroyum

Íslendsku vaktar- og bjargingarskipini bunkra framvegis olju í Føroyum, tí hon er bílgari her enn í Íslandi.

Stjórin í íslendsku vaktar- og bjargingartænastuni sigur við Morgunblaðið, at stovnurin hevur ikki ráð til keypa oljuna í Íslandi.

So stórur prísmunur er, at hóast siglingin til Føroya og úr Føroyum aftur er tald við, svarar prísmunurin til tað, sum ein íbúð við fýra kømrum í Reykjavík kostar, sigur stjórin í vaktar- og bjargingartænastuni.

Íslendsku vaktar- og bjargingarskipini hava bunkrað í Føroyum í nógv ár.