Gonga, røður, sangur og yrkingar fyri Gasa

Seinnapartin í dag skipar Amnesty International Føroyar fyri kravgongu til frama fyri sivila fólkinum í Gasa.

Eisini verður heitt á landsstýrið um at røkja sínar altjóða skyldur um at gera sítt fyri at steðga 
fólkadrápinum á palestinar í Gasageiranum, sigur Amnesty í tíðindaskrivi.

Kravgongan byrjar við Gundadalshøllina kl.16.30.

Gingið verður út á Tinganesi og síðani til Speaker's Corner í miðbýnum.

Har halda Hanus Kamban og Lív Maria Róadóttir Jæger røðu, Elin Brimheim Heinesen og Kári Sverrisson spæla nøkur løg, og Marjun Syderbø Kjælnes og Elin Brimheim Heinesen lesa yrkingar.

Amnesty heitir á fólk um at fara í okkurt reytt fyri at vísa, at vit draga eina felags linju um, at vit langt síðani eru farin um reyða markið.