Millum tøkini: sendingin útsett til hósdagin

Kappróðrarsendingin "Millum tøkini", sum vanliga er á útvarpsskránni týsdagar, verður ikki at hoyra seinnapartin.

Í staðin kunnu kappróðraráhugað skrúva lurtið frá hósdagin klokkan 15, tá ymiskt spennandi verður tikið upp saman við viðmerkjarum og gestum.

Sendingin er flutt, tí verturin er til fiskiskap í løtuni. Eins og við kappróðrarbátum, er ikki altíð ráðiligt at gera ov nógvar broytingar umborð, men í hesum føri kunnu lurtarar kenna seg púra tryggar.

Tað verður nevniliga Sarita Kristina Hansen, sum loysir av við róðrið og skal stýra skútuni trygt á mál.

So tendrið útvarpið hósdagin kl 15, tí ovmikið er at tosa um. Varmakelduróðurin er farin afturum, og kappingin harðnar undan fjarðastevnu, har heili 115 bátar hava melda til.