Ávaringin um flóðaldu í Kyrrahavinum avblást

Eftir fyrsta skjálvtan, sum var styrki 5 komu tveir aftrat, sum vóru mátaðir til 6,7 og 7,4 í styrki. Seinasti jarðskjálvtin gjørdi, at ávaring um flóðaldu var send út, sigur US Geological Survey. Ávaringin frá amerikanska flóðaldumiðstøðini var galdandi fyri Russland og Hawaii. Skjálvtin var niðri á 10 km. dýpi og jarðskjálvtadepilin var 150 km. frá størsta býnum í Kamtsjatka, Petropavlovsk-Kamtsjatka. 

Nógv gosfjøll eru í hálvoynni, sum liggur í sonevnda eldringinum kring Kyrrahavið framvið Asia-strondini og amerikonsku vestrustrondini.

Síðani 1900 hava sjey stórir jarðskjálvtar verið í Kamtsjatka. Ein harður skjálvi í 1952 mátaður til 9 á Richterstiganum, elvdi til stóran materiellan skaða og til eina flóðaldan, sum var 9 metrar við Hawaii. Eingin fólkaskaði var.