Ozzy Osbourne deyður, 76 ára gamal

Í kvøld bórust tíðindini, at Ozzy Osbourne, ið var sangari í kenda tungmálmsbólkinum Black Sabbath, er deyður. 

Tað var familjan hjá Ozzy Osbourne, ið bar tíðindini á sosialu miðlunum hjá kenda tónlistamanninum. 

"Tað er við størri sorg, enn orð kunnu endurgeva, at vit mugu kunngerða, at okkara elskaði Ozzy Osbourne er deyður í morgun. Hann var saman við familjuni og umringaður av kærleika. Vit heita á øll um at virða privatlívið hjá familjuni í hesi sváru tíð."

Boðini vóru undirskrivað at konu Ozzy, Sharon, og børnunum Jack, Kelly, Aimee og Louis. 

Uppfunnu tungmálmstónleikin

Black Sabbath, sum varð stovnaður í Birmingham í 1968, fær í stóran mun fær heiðurin fyri at hava uppfunnið tungmálmstónleikin.

Sangir sum "Paranoid", "Iron Man" og "War Pigs" teljast millum hornasteinarnar í tungmálssjangruni.

Í 2020 kunngjørdi Ozzy Osbourne, sum í veruleikanum eitur John Michael Osbourne, at hann hevði fingið sjúkuna Parkinsons, ið gjørdi, at hann útsetti eina konsertferð. 

Í 2022 var hann lagdur undir skurð fyri ryggin.

Og tá Black Sabbath spældi sína farvæl-konsert 5. juli á Villa Park í Birminghem, orkaði Ozzy Osbourne ikki at standa uppreistur, men sat niðri og sang.