Heimskendi glímarin Hulk Hogan deyður, 71 ára gamal

Altjóða fjølmiðlar boða nú frá, at heimskendi yrkisglímarin Hulk Hogan eisini er deyður, einans tveir dagar eftir, at Ozzy Osbourne andaðist. 

Hulk Hogan bleiv 71 ára gamal, og sum skilst, so er hann deyður av einum hjartasteðgi í heiminum í Clearwater í Floriada, USA. 

Hulk Hogan

Heimskendur umvegis fylgissvein

Hulk Hogan, sum í veruleikanum æt Terry Bollea, byrjaði sum yrkisglímari í 1977. 

Áðrenn hann fór at glíma, var Hulk Hogan yrkistónleikari og spældi bass.

Hulk Hogna bleiv heimskendur í áttatiárunum, tá amerikonsk yrkisglíming bleiv varpað um allan heimin umvegis fylgissveinasjónvarp. 

Real American

Serliga hansara dystir við Andre The Giant til WrestleMania hjá World Wrestling Federation, WWF, eru legendariskir.

Og øll, ið minnast hesa tíðina, minnast Hulk Hogan og hansara reyðu og gulu draktir, hansara hulkamaniacs og hansara eyðkennist lag, har tað bleiv sungið: 

I am a real American
Fight for the rights of every man
I am a real American
Fight for what's right
Fight for your life