41 lutaíbúðir framvegis til sølu

44 lutaíbúðir á Dalavegnum í Havn vórðu í fyrsta umfari settar til sølu á einum innanhýsis lista hjá Bústøðum.

Tey ið frammanundan búgva hjá Bústøðum, ella eru uppskrivað hjá bústaðarfelagnum, fingu framíhjárætt at ogna sær eina lutaíbúð.

Trý av hesum listanum hava tikið av, og tvær vikur síðni vórðu restin av lutaíbúðunum settar alment til sølu.

- Áhugin hevur verið stórur hesar tvær vikurnar, so vit stúra ikki, sigur Jógvan Ósa, stjóri í Bústøðum.