Ongar politiskar lýsingar hjá Meta í ES-londum

Politiskar lýsingar verða ikki longur at síggja á Facebook og Instagram í ES-londum frá oktober at rokna.

Tað boðar eigarin av teimum báðum pallunum, Meta, frá í tíðindaskrivi.

Sambært Meta varð avgerðin tikin við støði í einari nýggjari ES-lóggávu, sum regulerar politiskar lýsingar.

ES-lóggávan snýr seg um politiskar lýsingar og er stytt TTPA. Endamálið við henni er "at stuðla undir ein væl virkandi innanhýsis marknað fyri politiskari lýsing og at stuðla einum opnum og rættvísum politiskum kjaki", stendur at lesa í samandráttinum hjá ES av reglugerðini.

Meta heldur, at krøvini í lóggávuni er hørð - við einum langan lista við skyldum til lýsingarnar hjá Meta, sum tey halda ikki kunnu røkjast nøktandi.

Sjálvt um lýsingarnar verða strikaðar í ES, heldur Meta fast um týdningin av politiskum lýsingum á netinum, stendur í tíðindaskrivinum.

Tað verður framvegis møguligt hjá politikarum at leggja út á pallarnar hjá Meta, so leingi tað ikki verður gjørt umvegis lýsingar.

Nýggja lógin um politiska lýsing í ES kemur í gildi 10. oktober í ár.