Heimild at fáa uttanhýsis fígging til tjóðleikhúsið

Landsstýrismaðurin í mentamálum skal nú fáa heimild at útvega uttanhýsis fígging til at byggja eitt tjóðleikhús.

Í løglistanum stendur, at ætlanin er at leggja uppskot um verklags- og heimildarlog fyri løgtingið. Ætlanin er at seta eina ávísa upphædd av til verklagið - einki tal er tó nevnt - og harumframt skal landsstýrismaðurin fáa heimild at taka ímóti fígging frá útlendskum grunnum til tjóðleikhúsið.

Tað er framvegis ikki greitt, hvar tjóðleikhúsið skal byggjast. 

Á seinasta býráðsfundi hjá undanfarna býráð í Tórshavnar ommunu, 12. desember í fjør, samtykti meirilutin, at tjóðleikhúsið skal ikki byggjast á Eystaru bryggju í Havn, soleiðis sum ætlanin annars hevði verið síðstu árini.