RagnarRokk hevur hildið summarfrí á KVF Ljóð

Hóskvøld eru vanliga rokk- og tungmálmskvøld í útvarpinum, tí tá er RagnarRokk á skránni. 

Men í summar hava málmhøvdini her á landi til fánýtis stilla inn á útvarpið á lurtinum hóskvøld, tí RagnarRokk hevur verið í summarfrí, eins og flest allar aðrar fastar útvarpssendingar.

Hóast væl umtókta sendingini ikki hevur verið á útvarpsskránni í summar, so hava føroysk málmhøvd ikki verið við sviðið soð.

Tríggjar samrøður um vikuna

Hvørja viku, ið RagnarRokk hevur ligið í dvala, eru tríggjar samrøður við rokk- og tungmálmstónleikarar lagdar út á RagnarRokk á KVF Ljóð. 

Samrøðurnar eru fyri tað mesta við bólkar, ið eru aktuellir við nýggjum útgávum.

Nevnast kunnu svensku bólkarnir Katatonia, Haunted, Alien, Candlemass og the Flower Kings.

Frá Japan til Nýsæland og Týskland

Samrøður eru eisini við fremsta japanska rokkbólkin Man With A Mission, nýsælendska tungmálmsbólkinum Alien Weaponry, bassleikaran í Shindown, Eric Bass, sum er aktuellur við fyrstu soloútgávu síni, fyrrverandi trummusláaran í Scorpions, Herman Rarebel, og oddamannin í The Almighty, Ricky Warwick.

Á síðuni hjá RagnarRokk á KVF Ljóð liggja eisini samrøður við Alestorm, Fallujah, Sanhedrin, Envy Of None, Tetrarch, Funeral og Onslaught.

RagnarRokk var eisini á Copenhell, stóra tungmálsfestivalinum í Keypmannahavn, og burtur úr tí er komin ein longri reportaga.

RagnarRokk, Copenhell

SÍ EISINI: Samrøða við Robert Westerholt og Ruud Jolie frá Within Temptation á Copenhell

Saxon, Halloween og Suede í vetur

Fyrireikiningarnar til RagnarRokk í vetur eru í hæddini, og fleiri samrøður við bólkar og einstaklingar eru longu komnar í kassan.

Nevnast kunnu Saxon, Sodom, Helloween, Warlords, Udo Dirkschneider, Blaze Bayley, Dennis Dunaway, trummusláaran hjá Alice Cooper, Primal Fear, Amorphis, Baest og Suede. 

Ragnarrokk logo

Hvat: RagnarRokk
Hvar: Í útvarpinum og á KVF Ljóð
Nær: Hóskvøld kl. 21, og tá tað passar tær á KVF Ljóð

RagnarRokk er eisini á Facebook