Føroyar spæla í Gibraltar

Í næstum verður aftur manslandsliðsumfar. Føroyar spæla á heimavølli móti Kroatia fríggjakvøldið 5. septembur. Síðani verður farið til Gibraltar, har Føroyar spæla 8. septembur. Nú er eisini greitt, at dysturin verður í Gibraltar.

Síðani 2021 hevur Gibraltar spælt sínar heimadystir í Portugal. Tað kann illa síggjast sum ein fyrimunur fyri heimaliðið, men treytirnar til dystin móti Føroyum eru broyttar. Fótbóltssambandið í Gibraltar boðar á X frá, at UEFA nú hevur góðkent nýggja leikvøllin, Europa Point, til manslandsdystir.

Føroyar og Gibraltar eru í bólki saman við Kroatia, Kekkia og Montenegro. Bæði Kroatia og Kekkia hava longu spælt móti Gibraltar á útivølli. Teir dystirnir vóru í Faro í Portugal. Nú skulu Føroyar og Montenegro spæla á Europa Point í Gibraltar.

Samandráttur frá dystinum á Tórsvølli millum Føroyar og Gibraltar

Føroyar vunnu dystin á Tórsvølli 2-1, eftir at gestirnir komu á odda. Landsliðið til dystirnar móti Kroatia og Gibraltar verður úttikið mánadagin.