Pentagon forðar Ukraina at senda langtrøkkandi rakettir

Amerikanska hernaðarhøvuðsborgin Pentagon forðar Ukraina frá at senda langtrøkkandi rakettir inn í Russland. Tað skrivar Wall Street Journal. Verjumálaráið hevur hildið loyvunum at brúka hesar rakettirnar aftur, helst fyri at gera tað sannlíkari at fáa Vladimir Putin forseta at koma til samráðingarborðið at tosa um frið, skrivar blaðið. 

Í gjárkvøldið sendi Ukraina sambært danska TV2 eina dronu ímóti Kursk-kjarnorkuverksmiðjuni. 

 - Hetta er ikki bara ein krígsbrotsgerð, men ein hóttan móti kjarnorkutrygdini, og brýtur allar altjóða avtalur, skrivar guvernørurin í Kursk-landslutinum, Aleksandr Kinstein, á Telegram.

Dronan varð skotin niður, men vraklutirnir settu eld í ein transformara, skrivar guvernørurin. Ukraina hevur hvørki váttað ella avsannað dronuálopið.