Javni: Vit mugu viðurkenna fortíðina

- Vit mugu viðurkenna hesa søguna. Vit hava ordiliga nógv fólk heima í Føroyum, men vit hava eisini ordiliga nógv fólk, sum vórðu verandi - og sum hava fingið hesa viðgerðina, sum ikki hevur verið rímilig, røtt ella virðilig.

Tað sigur forkvinnan í Javna, um tey, ið vórðu send av landinum í tíðarskeiðnum 1933 til 1980. Tí er tað í tøkum tíma, at ein føroysk kanning verður sett í verk, heldur Helena Jørmundsson. 

- Ein kanning er grundarlag fyri at landsins myndugleikar kunnu taka ta ábyrgd, sum skal til, vísir forkvinnan á. 

Frammanundan hevur Ruth Thomsen, sum er forkvinna í Megd, víst á nakað tað sama. 

- Tað er bara uppá sítt pláss, at tað verður kastað meira ljós á tað, so mann fær greiðu á, hvat í grundini hendi tá, sigur forkvinnan í Megd. 

Hoyr innslag við forkvinnunum í Megd og Javna her: 

- Altso, eg hugsi bara um øll tey - í øll hasi árini. At ímynda sær foreldrini, syskini, ommur og abbar hjá hesum børnunum, sum eru blivin send avstað einsamøll. Altso, eg sigi bara "oh my god". Soleiðis segði Ruth Thomsen, forkvinna í Megd, tá hon var í Breddanum í gjár.

Øll sendingin kann hoyrast her:  Breddin: Eiga vit at viðurkenna fortíðina og biðja um umbering?