KÍ bjargaði sær í evstu løtu

KÍ bjargaði sær í evstu løtu
Júst sum tað sá út til, at NSÍ fór við øllum, javnaði Durita Hummeland, og tí er KÍ framvegis trý stig frammanfyri runavíkingar í bestu fótbóltsdeildini við kvinnum
Mynd: Bjarni Enghamar / FSF  
 
07.09.2025 - 15:57

Durita Hummeland bjargaði KÍ javnleikin ímóti NSÍ, tá hon javnaði til 2-2 í síðsta minutti av toppdystinum í Runavík í dag. 

Talan er um mál, sum kann gerast avgerandi í stríðnum um føroyameistaraheitið, tí við javnleikinum eru klaksvíkingar framvgis trý stig frammanfyri tær úr Runavík, nú bert tríggir dystir eru eftir av kappingini.

Brá Zakariasardóttir legði NSÍ framum, tá níggju minuttir vóru spældir av seinna hálvleiki, men bert 10 minuttir seinni javnaði Sólja Ernstsdóttir.

Heidi Sevdal skoraði til 2-1 fyri NSÍ, men júst tá tað sá út til, at heimaliðið hevði fingið sigurin undir land, javnaði Durita Hummeland.

Í hinum dystinum í ovara endaspælinum vann Víkingur 3-1 á HB. Sára Vang Justinussen legði útiliðið framum í fyrra hálvleiki, men Fridrikka Clementsen javnaði tríggjar minuttir eftir steðgin. Hanna Isaksen Højgaard og Arnborg Lervig avgjørdu kortini fyri gestirnar síðsta korterið.

KÍ er fremst við 52 stigum, NSÍ er nummar tvey við 49 stigum, HB liggur á 3. plássi við 34 stigum og Víkingur er nummar fýra við 31 stigum. 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592