Dýrari at fáa viðgerð í Sjúkrahúsverkinum

Á nýggjárinum verður dýrari hjá teimum, sum ikki hava rætt til ókeypis viðgerð í Sjúkrahúsverkinum, at fáa viðgerð har.

Gjaldið fyri viðgerð á intensivu deild hækkar 2.900 kr., upp í 32.000 kr., um samdøgrið.

Gjaldið fyri sjúkraflutning í Føroyum samsvarar við útreiðslurnar, tó í minsta lagi 2.000 kr.

Tað er nú 1.800 kr.

Og fyri samskifti og samskipan við útlendsk tryggingarfeløg, arbeiðsgevarar og onnur verður ómaksgjaldið 9.500 kr. Tað er 6.000 kr.

Gjøldini vera prístalsviðgjørd hvørt ár.

Gjøldini hava verið tey somu í tíggju ár.