Breddin: Tvey ár síðani Hamas leyp á Ísrael

Á sjálvum ársdegnum samráðast stríðandi partarnir um eina friðaravtalu, sum amerikanski forsetin hevur gjørt.

Avvarðandi hjá teimum, sum Hamas drap og tók gíslar á Nova-festivalinum í Ísrael fyri tveimum árum síðani, minnast í dag tey falnu. 1200 fólk doyðu, og 200 vóru tikin gíslar.

Mynd: Itay Cohen/Reuters/Ritzau Scanpix

Marjun Dalsgaard

07.10.2025 - 09:26

Í dag er 7. oktober og tvey ár síðani, at Hamas leyp á Ísrael, drap 1200 fólk og tók 200 gíslar.

Og júst á ársdegnum fara partarnar undir friðarsamráðingar við støði í eini avtalu, sum amerikanski forsetin, Donald Trump, hevur gjørt.

Hvat stendur í avtaluni, og hvørji sannlíkindi eru fyri, at hon ber á mál?

Tað spyrja vit Breddanum í dag.

Eisini fara vit at seta orð á miðladekningin av stríðnumi, tí tað er eitt evni, sum veruliga fær sinnini í kók.

Umboð fyri fýra redaktiónir vera í útvarpsstovuni. Tey eru Katrin Petersen, deildarleiðari á Aktuelt í Kringvarpinum, Árni Gregersen, journalistur, Eirikur Lindenskov, ábyrgdarblaðstjóri á Sosialinum, og Ingi Samuelsen, journalistur á Portalinum.

Breddin í útvarpinum klokkan 10.