Taks kannar trivnaðin

Taks kannar trivnaðin
Stovnurin hevur 107 starvsfólk á 11 deildum
Seinast, trivnaðarkanning var gjørd hjá Taks, var í 2022.
 
10.10.2025 - 09:24

Taks ætlar at kanna, hvussu trivnaðurin er.

Taks biður tí um ráðgevaratænastu til at standa fyri trivnaðarátakinum.

Roknað verður við, at átakið verður liðugt næsta vár. 

Tá skulu úrslit vera fyri hvørja deild, fyri leiðslu, úrslit fyri hvørt øki og úrslit fyri Taks sum heild.

Samstundis skulu setast í verk tilgongdir, sum tryggja, at tær avbjóðingar, sum kanningin staðfestir, vera viðgjørdar og loystar á ítøkiligan hátt.

Taks er nógv broytt seinastu árini. Taks er minkað nógv.

Síðani í fjør vár hevur Taks eisini verið í einari stórari strategiskari broyting undir heitinum talgilda skiftið.

 

Trýst á starvsfólkunum

Nógv trýst er á starvsfólkunum. Gerandisdagurin er og verður nógv broyttur. Harafturat eru nógv starvsfólk skift út seinastu tíðina.

Seinast, trivnaðarkanning var gjørd hjá Taks, var í 2022.

Taks hevur 107 starvsfólk á ellivu deildum.

Tilboðini skulu latast í seinasta lagi 23. oktober. Vinnarin verður kunngjørdur 29. oktober.

Trivnaðarkanningin verður gjørd í desember og januar.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214