Fiskimálaráðið kannar eisini málið um hekkuportrið á Galaxy

Fiskimálaráðið arbeiðir í løtuni við at fyrireika kanningina av málinum um hekkuportrið á Galaxy, sum gloppaði á opnum havi 1. september í ár.

Elin Mortensen, aðalstjóri í Fiskimálaráðnum sigur, at tey royna at bera skjótt at, og fara at koma við frágreiðing skjótt um arbeiðið. 

Arbeiðið hjá Fiskimálaráðnum skal bara snúgva seg um leiklutin hjá Strandferðsluni í málinum, tí tað er bara har, ráðið hevur ein myndugleika. 

Kanningarstjóri verður ikki settur, men ráðið noyðist helst at leita sær uttanhýsis hjálp í málinum, sum hóast tíðarskeiðið er stutt, kann verða rættiliga umfatandi.

Elin Mortensen kann ikki siga neyvt, nær kanningin er liðug, men tað verður helst innan ein mánað.