Trump í Suðurkorea

Amerikanski forsetin, Donald Trump, er komin til í Suðurkorea á ferðini í Asia.

Undir vitjanini fer hann at fáa gullkrúnu sum gávu frá Suðurkorea, sigur forsetaskrivstovan í landinum, sambært Reuters.

Trump fær Mugunghwa-viðurkenningina, sum er hægsti heiður í Suðurkorea, og uppkallað eftir tjóðarblómuni í landinum.

Tá forsetaflogfarið setti seg í Suðurkorea, var  Trump heilsaður av einum bólki, sum spældi "YMCA" - eitt lag hjá Village People, sum Trump ofta hevur brúkt alment.

Forsetaskrivstovan í Suðurkorea sigur, at tey fara at viðurkenna leiklutin hjá Trump sum "friðarskapari" á koreisku hálvoynni.

Lee Jae Myung, forseti, vónar, sambært Reuters, at tollurin, sum Trump hevur lagt á landið, verður lækkaður.

Trump í Suðurkorea

(Mynd: Andrew Caballero-Reynolds/AFP/Ritzau Scanpix)

Norðurkorea royndarskeyt rakett

Í gjár- dagin fyri at Trump kom á vitjan -  royndarskeyt Norðurkorea eina rakett, sum lendi á vestara parti av koreisku hálvoynni, skrivar Ritzau.

Sambært norðurkoreisku tíðindastovuni KCNA, eru krússara-rakettirnar "partur av kjarnorkuførleikanum í landinum".

Trump hevur áður sagt, at hann einki hevði ímóti at hitta norðurkoreanska leiðaran, Kim Jong-un, á ferðini í Asia.

Men forsetin sigur í dag, at hann fer ikki at hitta Kim Jong-un hesa ferð, orsakað av vantandi samskipan og tíðarætlan.

Hann segði eisini, at hann fer at royna at bjarga støðuni millum Norðurkorea og Suðurkorea, skrivar Reuters.