- Tíðindi, mentan og ítróttur
Yrki á sjónum kravdi eitt mannalív í ár
Yrki á sjónum kravdi eitt mannalív í ár
Alment minningarhald verður í Vinnuháskúlanum leygardagin 1. november
Minningarhald teirra sjólátnu verður leygardagin 1. november.
Mynd: Fólkakirkjan
29.10.2025 - 09:23
Leygardagin 1. november er allahalgannadagur, dagur teirra sjólátnu.
Almenna minningarhaldið til minnis um føroyingar, sum eru deyðir í yrki á sjónum, verður í Vinnuháskúlanum í Havn klokkan tvey.
Sjómansmissiónin skipar fyri.
Løgmaður heldur røðu og leggur síðani krans við minnisvarðan í Viðarlundini.
Gudstænasta verður í Dómkirkjuni klokkan átta um kvøldið.
Doyði av vanlukku umborð á Glyvursnesi
Í farna allahalganna ári kravdi sjólívið og yrki við sjógvin eitt mannalív.
Tað var Hergar Torbjarnarson Hansen úr Leirvík.
Hann doyði 2. januar av vanlukku umborð á farmaskipinum Glyvursnesi, sum lá í Hirtshals.
Hergar Torbjarnarson Hansen var 34 ár.
Um sjólátin
Tey, sum vera nevnd á almennum minningarhaldi teirra sjólátnu, eru skrásett hjá Landsfólkayvirlitinum at búgva í Føroyum og hava latið lív í yrki á sjónum, av sjúku ella vanlukku.
Tað er ein nevnd við umboðnum fyri manningarfeløgini og Reiðarafelagið, Vørn, Almanna – og Mentamálaráðið, Løgmansskrivstovuna, Sjómansmissjónina og Fólkakirkjuna, ið tekur støðu til, hvørji verða nevnd á tí almenna minningarhaldinum allahalgannadag.
Tað er ein nevnd við umboðnum fyri manningarfeløgini og Reiðarafelagið, Vørn, Almanna – og Mentamálaráðið, Løgmansskrivstovuna, Sjómansmissjónina og Fólkakirkjuna, ið tekur støðu til, hvørji verða nevnd á tí almenna minningarhaldinum allahalgannadag.
Kelda: Fólkakirkjan
Er kopiera
Nýggjastu sendingar í ÚV
Nýggjastu sendingar í SV
