Skaðilig evni staðfest í Eirargarði 2

Eirargarður 2 í Havn hýsir í dag Heilsumálaráðnum og Almanna- og mentamálaráðnum. Men bygningurin skal eftir ætlan umbyggjast til lestrarbústaðir. Bústaðir, sum formliga enn eitur Húsalánsgrunnurin, hevur biðið um tríggjar frágreiðingar, sum lýsa støðuna á bygninginum. Tær frágreiðingarnar eru nú komnar.

Bústaðir biðið um tríggjar frágreiðingar
Jógvan Ósá er stjóri í Bústøðum, greiðir frá, at Bústaðir hava biðið um tríggjar frágreiðingar, sum lýsa støðuna á bygninginum, nú hann skal umbyggjast til at hýsa lestrarbústøðum.

Skaðilig evni eru staðfest í bygninginum, men tað er ikki óvanligt fyri bygningar í tí aldrinum. PCB, tungmetal og asbest er funnið ymsastaðni. Og nógv av tí hevði helst verið tikið burtur kortini í samband umbyggingina. Verður tað neyðugt at taka meiri burtur, so verður tað gjørt, sigur stjórin í Bústøðum.

Hinar báðar frágreiðingarnar snúgva seg um konstruktiónina á bygninginum og um brandtrygdina.

Hoyr samrøðuna við Jógvan Ósá, stjóra í Bústøðum, her.