- Tíðindi, mentan og ítróttur
Fakfeløg spyrja aftur um stytta arbeiðsviku
Fakfeløg spyrja aftur um stytta arbeiðsviku
Málið er avtalað í samgonguskjalinum, og Fakfelagssamstarvið ótolnast, nú tíðin hjá sitandi samgongu fer at halla
Feløgini í Fakfelagssamstarvinum ótolnast eftir ætlanini hjá landsstýrinum at stytta arbeiðsvikuna.
24.11.2025 - 13:07
Fakfelagssamstarvið spyr aftur, nær arbeiðsvikan verður stytt.
Stytt arbeiðsvika er avtalað í samgonguskjalinum, og fakfeløgini ótolnast, nú tíðin hjá sitandi samgongu fer at halla.
Arni Petersen er formaður í Akademikarafelagnum, sum er eitt av fakfeløgunum í Fakfelagssamstarvinum. Hann sigur, at stytt arbeiðsvika er ikki partur av lønarsamráðingunum á almenna arbeiðsmarknaðinum, tí hon skal ásetast við lóg.
Arni Petersen.
Arbeiðsvikan er fyrr stytt við lóg.
Í 1964 varð arbeiðsvikan stytt í trimum stigum, úr 48 tímum niður í 44. Í 1970 varð hon stytt niður í 42,5 tímar í einum.
Og í 1978 varð nýggj lóg gjørd, har arbeiðsvikan varð stytt niður í 40 tímar í fýra stigum.
Hoyr innslag í útvarpstíðindunum:
24112025_Stytt_abeidsvika
Er kopiera
Nýggjastu sendingar í ÚV
Nýggjastu sendingar í SV
