Ull, ostur, ferðafólk, skúli og café

Sjálvt um tey bæði hava neyt, seyð og hønir og framleiða tað, sum hesi geva av sær, so hava tey nógv annað at bjóða eisini á Varmakeldugarðinum.

Tey fáa ofta vitjan, bæði av útlendskum og føroyskum ferðafólkum, og hetta royna tey at laga seg til við at hava ymiskt til sølu, so fólk kunnu fáa eitt minni heimvið.

- Eg eri kedd av at siga tað, men til fyri kortum brendu vit ullina. Tá vit so hoyrdu um Spinnaríið við ánna, helt eg tó, at hetta var ein upplagdur møguleiki hjá okkum at fáa spunnið okkara egnu ull, sigur Bára Joensen, bóndakona, sum eisini framleiðir ost, sum tey bæði kunnu borðreiða við og selja út av húsinum.

Umframt ferðafólkini, so vitja eisini skúlaflokkar, ið vilja hoyra meira um føroyskan landbúnað, og tá liggur ræði fyri hjá Báru at greiða frá, tí hon er útbúgvin fólkaskúlalærari.

Mat hava tey nógvan, og meirvirka til tey ymsu tiltøkini sum eru í caféini, sum er bygd í nýggja fjósinum.

Hoyr samrøðu við Báru her