150 bústaðir á Fossum í Klaksvík

Klaksvíkar býráð hevur samtykt at bjóða eitt stórt lendi á Fossum út til bústaðabygging, har pláss verður fyri 150 bústøðum.

Byggilendið er tilsamans 29.200 fermetrar, sum skal nýtast til bæði bústaðar- og vinnuendamál, og tað kann býtast sundur í smærri byggiøki.

3.400 fermetrar eru settir av til nýggjan barnagarð.

Klaksvíkar kommuna, Klaksvíkar býráð

Klaksvíkar kommuna.

Millum byggiøkini verða grøn fríøki, trivnaðarøki og bindilið millum býlingarnar.

Tað stendur til teirra, sum bjóða, at koma við uppskoti um útstykkingarætlan, og hvussu økið og byggingin verða skipað. 

Klaksvíkar kommuna sigur, at lendið verður boðið úr í næstu viku.