Sambýlið skal í mesta lagi kosta 115 milliónir

Sambýlið til vaksin við autismu við Rygsá á Argjum skal í mesta lagi kosta 115 mió. kr.

Tað stendur í uppskoti, sum er komið í løgtingið.

24 íbúðir vera í sambýlinum, sum verður 2.090 fermetrar.

Bygt verður í fýra eindum, seks íbúðir í hvørji eind. 

Íbúðir til fólk við serligum tørvi

Tvær íbúðir vera í hvørji eind til fólk, sum hava heilt serligan tørv fyri verju móti óljóði og órógv.

Hinar 16 íbúðirnar vera vanliga vardar íbúðir. 

Í øllum eindum er atgongd til felagshøli og felagskøk.

Byggiloyvið er fingið

Grundøkið, 9.250 fermetrar, er keypt frá Tórshavnar kommunu, og byggiloyvið er fingið.

Sambýlið við Rygsá verður til fólk, sum hava miðal til tungan tørv.

Meginparturin krevur støðugan stuðul og umsorgan alt samdøgrið.