Prísvøksturin støðugur seinasta árið

Prísvøksturin støðugur seinasta árið
Í november vóru matvørur og drykkjuvørur sløk fýra prosent dýrari enn í november í fjør
Matvørurnar dýrka framvegis. (Savsnmynd)
 
23.12.2025 - 08:10

Prísvøksturin seinasta árið hevur verið lítil og støðugur, eftir at hava verið stórur í nógv ár. 

Prísvøksturin frá november í fjør til oktober í ár er 0,7 prosent.

Rentan er lækkað nógv, og hon dregur prístalið niðureftir, sigur Hagstovan.

Matvørurnar dýrka framvegis. Í november í ár vóru matvørur og drykkjuvørur sløk fýra prosent dýrari enn í november í fjør. 

Seinastu fimm árini eru prísirnir hækkaðir góð 30 prosent.

 

Lægri renta, men dýrari húsaleiga

Húsalánsrentan er lækkað nógv. Men húsaleigan er hækkað góð ellivu prosent.

Og prísirnir fyri húsbúnað og húshaldsútgerð eru eisini lækkaðir seinasta árið.

Tubbak og rúsdrekka kostaðu 8,9 prosent meira í november í ár enn í november í fjør. 

Brúkaraprístalið er býtt í 12 bólkar. Í níggju teirra var prísvøkstur seinasta árið. 

Árligi prísvøksturin í Føroyum er minni enn miðalprísvøksturin í flestu londum í Evropa, skrivar Hagstovan. 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF