Stevningin steðgandi virknað - einki umval í Runavík

Einki umval verður í Runavík týsdagin.

Tað er greitt, nú dómarin fyri løtu síðani hevur boðað frá úrskurði um, at sakarmálið, sum fimm býráðslimir í Runavíkar kommunu hava reist móti fíggjarmálaráðnum, skal fáa steðgandi virknað. 

Teir fimm býráðslimirnir í Runavík, teirra millum borgarstjórin og varaborgarstjórin, hava stevnt Fíggjarmálaráðnum, sum nú umsitur kommunumál.

Tóri Højgaard

Tóri Højgaard í samrøðu við Kringvarpið beiint eftir, at úrskurðurin var sagdur. (Mynd: Bárður Lydersen)

Býráðslimirnir vildu hava avgerðina hjá táverandi Løgmálaráðnum - um at ógilda kommunuvalið og lýsa umval - strikaða.

Rætturin hevur gjørt úrskurð um, at stevningin hjá býráðslimunum skal hava steðgandi virknað, og tí verður einki umval. 

Hoyr samrøðu við Tóra Højgaard, varaborgarstjóra, her:

Býráðslimir í Runavík og Føroya rættur, Føroya rættur og býráðslimir í Runavík

Fýra av býráðslimunum, sum stevndu Fíggjarmálaráðnum, uttan fyri Føroya rætt, eftir at úrskurðurin var sagdur. Frá vinstru: Petur Hansen, Tóri Højgaard, Sigrun Jónsveinsdóttir og Jóhan Vest. (Mynd: Bárður Lydersen)

Petur Hansen er eisini millum teir fimm býráðslimirnar, sum stevndu Fíggjarmálaráðnum. Hann var valdur á lsta C á kommunuvalinum í 2024.

Hoyr samrøðu við Petur Hansen: