Mótmælisgonga í Nuuk leygardagin

Leygardagin skipa borgarar fyri mótmælisgongu í Nuuk. 

Borgararnir fara at mótmæla tí, teir lýsa sum "ólógligu og óhóskandi ætlanunum hjá USA um at yvirtaka Grønland."

Tað skrivar grønlendski miðilin Sermitsiaq.

Mótmælisgongan byrjar klokkan 13 á Katerittarfik Amisut og fer síðani gjøgnum býin og enda við Kujallerpaat, har amerikanska sendistovan heldur til.

- Okkara politikarar og fólkavaldu hava fleiri ferðir sagt, at okkara land ikki er til sølu, og at Grønland ikki kann keypast ella yvirtakast við hermegi, sigur Bikki Jepsen, sum er ein av fyrireikarunum, við Sermitsiaq.