Frítekst tagging:
- Tíðindi, mentan og ítróttur
Danmark tryggjaði sær hálvfinalupláss
Danmark tryggjaði sær hálvfinalupláss
Jóhan á Plógv Hansen kom ikki á máltalvuna, tá Danmark vann á Týsklandi og tryggjaði sær pláss í EM-hálvfinaluni
Við sigri á Týsklandi tryggjaðu Simon Pytlick og hinir á danska landsliðnum sær pláss í hálvfinaluni
Mynd: Bo Amstrup/Ritzau Scanpix
26.01.2026 - 18:00
Danmark vann 31-26 á Týsklandi í kvøld og tryggjaði sær pláss í EM-hálvfinaluni.
Týskarar fylgdu væl við í fyrra hálvleiki, men sum leið út á seinna hálvleik, fór heimaliðið undan og vann við fimm málum. Vongurin Jóhan á Plógv Hansen varð skrásettur fyri eina misnýtta skotroynd.
Týskland hevur eins og Danmark seks stig, men um teir tapa seinasta dystin ímóti Fraklandi í morgin, fer Frakland í hálvfinaluna í staðin. Frakland tapti fyrr mánadagin fyri Spenia, meðan Norra og Portugal spældu javnleik 35-35.
(Mynd: Anze Malovrh / kolektiff)
Ísland bukaði sviar
Í gjár brustu Svøríki og Ísland saman í Malmø. Sviar komu væl frá byrjan, og út á dystin leikaði leingi javnt á, men síðstu løtuna fekk Ísland alneyðuga sigurin.
Kroatia vann 28-24 á Sveis, meðan Slovenia ikki gjørdi mætari enn at vinna sannførandi á Ungarn.
Ísland, Svøríki, Kroatia og Slovenia hava øll fýra stig, meðan Ungarn og Sveis hava eitt í part undan næstsíðstu miðumfarsdystunum í morgin, tá Ísland spælir ímóti Sveis, Slovenia brestir saman við Kroatia, og Svøríki skal royna seg ímóti Ungarn.
Er kopiera
Nýggjastu sendingar í ÚV
Nýggjastu sendingar í SV
