Eingin avtala millum Trump og Netanyahu

Eingin avtala var gjørd millum ísraelska forsætisráðharran, Benjamin Netanyahu, og amerikanska forsetan, Donald Trump, í Hvítu húsunum í gjár.

Tað skrivar Trump á sosiala miðli sínum, Truth Social, sambært Ritzau.

- Einki endaligt spurdist burturúr, men eg legði dent á, at samráðingarnar við Iran halda fram í eini roynd at vita, um at ein avtala fæst í lag, skrivar Trump.

Trump sigur, at talan var um ein góðan fund við ísraelska stjórnarleiðaran. Hann var hildin í sambandi við, at USA hevur tikið samráðingarnar við Iran um kjarnorkuvápn uppaftur.

Endamálið við ferðini hjá Netanyahu í USA var at fáa Trump at fara "harðligari til verka"  móti Iran. 

Ísraelski forsætisráðharrin hevur ikki gjørt viðmerkingar til fundin við amerikanska forsetan.