Landsapotekarin sagt seg úr starvi

Hjalti Gunnarstein hevur sagt seg úr starvi sum landsapotekari.

Uppsøgnina læt hann Almanna- og Heilsumálaráðnum í gjár.

Aðalstjórin tók ímóti og kunnaði hann um, at uppsøgnin fær virknað beinanvegin. 

Tað merkir, at Hjalti Gunnarstein ikki skal møta aftur til arbeiðis.

Hann fær sína vanligu løn henda mánaðin aftrat, og frítíð og annað, sum hann eigur til góðar, verður uppgjørt sambært vanligu reglunum.

Landsapotekari síðani 2017

Hjalti Gunnarstein bleiv settur í starv sum landsapotekari á sumri í 2017. Hann hevði tá í tveimum umførum verið virkandi landsapotekari.

Hjalti Gunnarstein er 66 ára gamal.

Ingun Hansen er sett sum fyribils landsapotekari, og hon tekur við starvinum beinanvegin, upplýsir Almanna- og Heilsumálaráðið.

Ingun Hansen er apotekari á Eysturoyar apoteki.