Geytin: "Mammuskepilsið" vann báðar virðislønirnar

Maria Tórgarð, leikstjóri, vann bæði Geytavirðislønina og Áskoðaravirðislønina 2026 við heimildarfilminum "Mammuskepilsið".

Í grundgeviningini sigur dómsnevndin m.a., at:

- Vinnarafilmurin í kvøld er ein makaleyst fortald lagnusøga. Við hegni og dirvi leiðir leikstjórin okkum innar, har óviðkomandi ikki vanliga hava atgongd.

Í fullsettu høllini í Norðurlandahúsinum í gjárkvøldið rungaði lógvabresturin, tá ið Maria Tórgarð tók ímóti báðum virðislønunum.

Hoyr Mariu Tórgarð, leikstjóra, greiða frá her:

Tilsamans sjey filmar vóru við í Geytakappingini í ár.

Á tiltakinum var eisini heiðurslønin ársins "Andøvsfiskur" latin Jón Hammer, leikstjóra. 

Tað er Filmsfelagið sum letur heiðurslønina.

Eitt longri innslag við Mariu Tórgarð verður at hoyra í útvarpstíðindunum kl. 14.