Tey, ið bera brek, eiga eisini at vera við í fólkaræðinum

Nú fólkatings- og løgtingsval standa fyri durum, minnir Brekumboðið á, at viðurskiftini eiga at verða skipað soleiðis, at fólk, sum bera brek, eisini hava møguleika at vera við í fólkaræðinum. 

Brekumboðið sigur, at sambært Brekrættindasáttmálanum hjá ST, hava myndugleikar og samfelagið sum heild skyldu at tryggja atkomu og luttøku, soleiðis at fólk, ið bera brek, fáa verið í politiskum og almennum lívi á jøvnum føti við onnur.

Hetta fevnir bæði um rættin at velja og at stilla upp.

Brekumboðið heitir á fjølmiðlar, flokkar og onnur, ið skipa fyri tiltøkum í sambandi við valini, at hava hetta í huga.

Eitt nú við at hava teknmálstulk og at teksta sendingar og tiltøk, ið verða sjónvarpað og stroymd.

Brekumboðið minnir eisini á týdningin av góðum atkomuviðurskiftum.

‍