Eingin umsøkjari kundi byrja 1. mars

Tað er ikki bara sum at siga tað at fáa fólk í starvið sum virkandi sóknarprestur í Suðuroyar norðara prestagjaldi.

Talan er um tíðaravmarkað starv, frá 1. mars til 31. juli í ár.

Tá freistin var farin á middegi 18. februar var áhugi fyri embætinum.

Men eingin umsøkjari kundi byrja 1. mars.

Í næstum verður støða tikin til, hvat nú skal henda, sigur heimasíðan hjá fólkakirkjuni.

Í prestagjaldinum eru fimm gudstænastustøð: Tvøroyrar kirkja, Hvalbiar kirkja, Sandvíkar kirkja, Fámjins kirkja og bønhúsið í Øravík.

Presturin hevur sæti á Tvøroyri.